Segun sa Bag-ong Tugon, kanunay gyung nagbasi sa pulong sa Ginoo ang pagtuo. Kon wala tay pulong gikan sa Ginoo, wala sab tay bisan unsang sukaranan sa atong pagtuo. Nagpalugwag pagtuo ang pulong sa Ginoo. Unsa man ang gipamulong sa Ginoo sa mga tinun-an ning higayona? Mao kini ang pulong nga girekord sa [Lucas Kapitulo 8] versiculo 22: “Manabok ta sa pikas daplin sa lanaw.” Kay gipamulong man sa Ginoo kining pulonga, tumanon gyud Niya kini.
Sa [Lucas] 8:22-25 dili lang dunay pulong sa Ginoo ang mga tinun-an kondili naa sab nila ang Ginoo mismo. Nag-uban Siya sa mga tinun-an sa sakayan. Dunay pulong sa Ginoo ug ang Ginoo mismo nag-uban sab sa mga tinun-an.
Kay duna na may pulong sa Ginoo ug presensiya Niya ang mga tinun-an, angay na unta silang magmalinawon, dili na magtagad sa unos. Gisugo sila sa Ginoo nga motabok sa pikas daplin sa lanaw ug nag-uban nila ang Ginoo sa sakayan. Dili na unta sila mahadlok sa unos.
Ang atong kasamok isip mga nagsunod sa Ginoo karon mao nga kon dunay unos nga moabot kanunay tang makalimot sa pulong sa Ginoo. Labot pa niini, imbis molantaw ta sa Ginoo molantaw tingali ta sa unos. Kinahanglan kat-onan gyud nato nga sa matag higayon sa panaw sa pagsunod sa Ginoo ug mobangon ang unos, motutok gyud ta sa natulog nga Ginoo ug dili sa unos. Dili gyud ta motagad sa unos – motagad gyud ta sa pulong sa Ginoo. Tumanon gyud kanunay sa Ginoo ang Iyang pulong. Busa, sa dihang mosulti Siya nato nga manabok sa pikas daplin, makaseguro ta nga makabot gyud ta sa pikas daplin, bisan unsa pa klaseng unos ang moabot.
Ang atong kasamok isip mga nagsunod sa Ginoo karon mao nga kon dunay unos nga moabot kanunay tang makalimot sa pulong sa Ginoo.
Kinahanglan nato motuo sa Ginoo ug dili molingi sa atoang palibot o sirkumstansya. Imbis nga molantaw sa unos, molantaw ta sa nagpahulay nga Ginoo. Unsa may sundon nimo—ang unos o ang nagpahulay nga Ginoo? Gusto man ngani nato moingon sa Ginoo, “Ginoo, kay nagpahulay man Ka, magpahulay gyod ko uban Nimo. Pahuyopa ang hangin. Kay nagpahulay man ka, makapahulay ko uban Nimo.”
Imbis nga molantaw sa unos, molantaw ta sa nagpahulay nga Ginoo.
Sagad sa atoang panaw kauban sa Ginoo makatagbo gyod ta ug usa ka unos o usa ka alimpulos. Malinga dayon ta ug makalimot sa pulong sa Ginoo ug sa kamatuoran nga naguban Siya nato ug nagpahulay Siya. Makaingon ba ka, “Ginoo, kay nagpahulay man ka, magpahulay gyod sab ko”? Kat-onon nato tanan nga mabansay kini.
Segun sa hulagway sa Lucas, samtang naglakaw ta sa gitudlong dalan sa Ginoo, makapahulay ang Ginoo ug mabisi ang kaaway. Maaktibo ang daotang mga espiritu ug ang mga demonyo aron makapaulang ang mga unos kanato diha sa atong panaw. Kinahanglan nato hinundoman nga sa pagkatinuod dili kini atoang panaw; panaw sa Ginoo kini, ug nagpanaw kita uban Niya. Naglakaw kita sa Iyang dalan, ug naa Siya sa dalan uban nato. Sa pagkatinuod, naa man ngani Siya sa sakayan uban nato. Imbis na masamok, angay kitang magmalinawon sa nagpahulay nga Ginoo (Pagtuon-sa-Kinabuhi sa Lucas, pp. 161-162).
Pag-ampo: “Ginoong Hesus, mamulong Ka nako taliwala sa unos. Gusto nako molingi sa tanang mga kasamok sa kinabuhi sa tawo ngadto Nimo. Gusto nako nga moanhi Ka sa akong kinabuhi. Salamat, Ginoo, nga makakaplag kog pahulay ug kalinaw. “
The church in Zamboanga 